Egill Helgason - Þurs með meiru

Hann Silfur-Egill Helgason, sem hefur komið af stað áhugaverðum hlutum eins og netlögguvatnsglasstorminum nú nýverið, virðist ekki þola málefnalega gagnrýni á skrif sín. Auðvitað má hann búast við því að rangfærslur verði reknar ofan í hann á netinu.

Hið óborganlega er hinsvegar að hann hringdi brjálaður í einn sem var að leiðrétta hann. Og kommentið um Jón Torfason, er tengt þessum hér greinum: 1, 2 og 3.

En niðurstaðan sem ég fæ eftir að lesa skrif Egils, hann er ekkert annað en þurs.

Lag færslunnar: Spiladósalagið með Todmobile (Sinfóníu útgáfan). Mjög sérstakt en skemmtilegt lag sem kemur mjög vel út með Sinfóníuhljómsveit Íslands.

Gatasigti fyrir Internetið

Margur hefur tjáð sig um netlöggur og Steingrím J. Sigfússon síðustu daga. Hve margir ætlu séu búnir að horfa á þáttinn? Ég hef ekki ennþá nennt því, enda þykir mér Silfur Egils ekki skemmtilegur þáttur. Út af því þá fór ég og fann ég einn af fáum aðilum sem hefur lagt í það að skrifa orðrétt upp eftir þættinum. Voila

Steingrímur kemur ekki svo rosalega vel út, en ef eitthvað er þá kemur hún Steinunn Valdís ennþá verr út. En báðir aðilar líta ekki út fyrir að hafa mikla þekkingu á tölvumálum.

Lag færslunnar:: An Arrow From the Sun með þungarokkssveitinni Therion. Þetta er flott lag af Lemuria helmingi tvöföldu plötunnar, Lemuria/Sirius B. Lagið opnar fremur afslappað með sópran söngkona sem fær andsvar frá karlakór með bassagítarsplokki undir. Síðan kemur stutt interlude en eftir þann kafla þá kemur flottasti kafli lagsins, Bassi að syngja með þungarokkssveit :D

Þangað borga ég

Í þennan góða sjóð borga ég trúleysisskattinn minn. Sem eru tæpar 9 þúsund krónur á ári. Þannig að Vantrú er með leiðréttingarstarfi sínu að gefa Háskólasjóði tæpar þrjár milljónir á ári !

Lag færslunnar:Llorando með Rebekah Del Rio, þetta er lag úr myndinni Mulholland Drive. Gífurlega falleg a capella útgáfa af lagi Orbison, Crying.

Fjórtán doktorsnemar hljóta styrki úr Háskólasjóði

Þorir VG?

Þessi ályktun er eins og það vanti endann á henni. Samt undarlegt að flokkurinn þorir að halda úti mjög sterkri og róttækri kvenfrelsisstefnu en þorir ekki í næsta jafnréttismál.

Lag færslunnar: Grace Kelly með Mika, þetta er óhóflega kátt lag og fínt til þess að hressa upp á lífið og tilveruna, þótt stutt sé. Og ég verð að viðurkenna að söngurinn minnir mig þó nokkuð á Freddie Mercury (ég er nota bene ekki frumlegur í þessarri samlíkingu).

Kjósið helvítin ykkar!

Fyrirsögnin segir allt sem segja þarf. Ég er samt einna hrifnastur af því að skila inn auðu, því að ekkert höfðar til mín af þessum framboðum.

Oft dræm kjörsókn í Háskólanum

Er Ingibjörg Sólrún á móti Samfylkingunni?

Miðað við ræðu hennar þá mætti halda það. Ætli þetta sé tvífari framleiddur fyrir Sjálfstæðiflokkinn og/eða Vinstri-Græn og Ingibjörg sé kefluð í kjallara Valhallar? ;)

Ég efast reyndar um það, hún er kannski bara dugleg við að koma fram með ræður sem er hægt að rangtúlka skemmtilega.

Dugsemin uppmáluð

Gaman að því að eftir allan þennan tíma, þá er bara komin ein breytingartillaga. Samt er ekki komið með þá tillögu sem ég vil sjá, þ.e. fella út hina ógeðfellda 62. grein.

Tillaga um að kosið verði um stjórnarskrárbreytingar í þjóðaratkvæðagreiðslu

Frjálslyndir skreyta sig ímynduðum skrautfjöðrum

Stuðningsmenn Frjálslynda flokksins eiga það til að sveipa um sig fullyrðingum eins og koma fyrir hér " Því til viðbótar hafa þeir rætt mál sem brenna á þjóðinni svo sem málefni innflytjenda sem allir aðrir stjórnmálaflokkar hafa skirrst við að ræða hingað til" Af hverju er fólk svona ótrúlega blint á raunveruleikann? Hinir flokkarnir hafa tekið fyrir þessi mál, en þar sem það var gert málefnalega þá var það í raun ekki fréttnæmt því að samstaða er ekki svo skemmtileg í fréttum.

Til þess að sanna mál mitt þá fór ég á vef Alþingis og leitaði að orðinu innflytjendur í fundaskjölum síðustu tveggja löggjafaþingja. Ekki þurfti ég að líða skort á umfjöllun. Ef við skoðum dagsetningarnar þá sést að umfjöllun um innflytjendamál sem fór á fullt eftir grein eftir Jón Magnússon og þó sérstaklega eftir viðtal við hann í Silfri Egils 4. nóvember og umræður í kjölfarið þar sem fór mikið fyrir Magnúsi Þór Hafsteinssyni. Skoðum núna þingmálin:
5. október 2006: Þingsályktunartillaga um heildarstefnumótun í málefnum útlendinga og innflytjenda. Mér sýnist allur þingflokkur Samfylkingarinnar skrifa undir. Það er leitt að þessi tillaga komst ekki í fréttirnar á undan málflutningi Frjálslyndra því að þetta er mjög málefnalegt skjal sem hefði hafið umræðuna á mun skynsamlegri nótum heldur en dylgjur um að múslimar geti aldrei aðlagast okkur (halló, erum við ekki öll manneskjur ?).
22. febrúar 2006: Utan dagskrárumræða um stöðu útlendinga hér á landi. Málshefjandi er Hjálmar Árnason, Framsóknarflokki og þeir þingmenn sem taka til máls eru úr öllum flokkum. Það er meira að segja skemmtilegt að sjá að félagsmálaráðherra þakkar málshefjanda fyrir %u201Eað taka hér upp á Alþingi þessa tímabæru umræðu um innflytjendamál%u201C. 14. apríl 2005: Utan dagskrárumræða um kynþátttafordóma og aðgerðir gegn þeim. Málshefjandi er Björgvin G. Sigurðsson, aðilar úr öllum flokkum tjá sig. Kynþáttafordómar eru náttúrlega angi af fordómum gegn innflytjendum, þ.e. ótti við hið óþekkta. Ræða Péturs Blöndals er sérlega góð og líka mjög hnitmiðuð.

Þetta eru samt bara mál sem ég gat fundið á augnabliki á vef þingsins. Síðan gleymist líka að það var komið í gang stofnun stjórnmálaflokks nýrra íslendinga, The New Icelanders Party. Bara það að þreifingarnar hafi verið í komnar í gang og komnar í fjölmiðla er ekki neitt lítið mál nema þá að alllt þetta teljist ekki með vegna þess að allir þessir aðilar voru með opna arma fyrir þá sem ekki voru eins og við hin.

En eru ekki nú þegar skólagjöld ?

Ég sem hélt að ég hefði þurft að borga skólagjöld þegar ég skráði mig í háskólann. Bara ekki kallað réttu nafni heldur innritunargjöld..

En hugmyndir Björgvins um að ekki borga fyrir grunnnámið en kannski fyrir framhaldsnámið er ekki nógu sniðugar. Það er ekki eins og það sé ekki nógu erfitt að fá fólk til framhaldsnáms hér á landi. Það að byrja að rukka fólkið sem er bakbeinið í rannsóknum háskólans fyrir að rannsaka er ekki sniðugt. Sérstaklega þegar reglan erlendis (allaveganna í þeim greinum sem ég hef kynnt mér) er þú borgar ekki og færð laun (þó stundum er kennsluskylda).

En ætli SUS álykti og óski Björgvin til hamingju með að vera nálgast þau í skoðunum ?

Ungir jafnaðarmenn gagnrýna þingmann flokksins um skólagjöld